آئی ایم ایف پروگرام حلوہ یا لڈو پیڑہ نہیں ، ایک چیلنجنگ پروگرام ہے، وزیراعظم
پٹرولیم مصنوعات کی قیمتیں کم کی گئیںِ اور ڈالر کے مقابلے میں روپے کی قدر بڑھنے کا ریلیف عوام کو دیا جارہا ہے،شہباز شریف-فوٹو: فائل
لاہور: وزیراعظم شہباز شریف نے کہا ہے کہ عالمی منڈی میں تیل کی قیمت کم نہیں ہوئی بلکہ ڈالر کے مقابلے میں روپے کی قدر بڑھنے کی وجہ سے پٹرولیم مصنوعات کی قیتمیں کم کیں۔
یہ بات انہوں نے لاہور میں وزیراعظم یوتھ بزنس اینڈ ایگری کلچر لون اسکیم کی تقریب سے خطاب کرتے ہوئے کہی، اس موقع پر انہوں ںے نوجوانوں میں چیکس تقسیم کیے۔
نوازشریف کو اقتدار سے کیوں محروم کیا گیا آج یہ بات کوئی راز کی بات نہیں ہے.انہیں اقتدار سے اس لیے نکالا گیا کیونکہ انہوں نے 20,20 گھنٹے کی لوڈشیڈنگ ختم کی , نوجوانوں کے ہاتھوں میں کلاشنکوف یا کوکین نہیں بلکہ لیپ ٹاپ اور روزگار کیلیے قرضے دیئے تھے.وزیراعظم شہبازشریف pic.twitter.com/XozabgVwje
— PMLN (@pmln_org) July 16, 2023
شہباز شریف نے کہا کہ عالمی منڈی میں تیل کی قیمت کم نہیں ہوئی، ڈالر کے مقابلے میں روپے کی قدر مستحکم کی وجہ سے پٹرولیم مصنوعات کی قیمتیں کم کی گئیںِ اور ڈالر کے مقابلے میں روپے کی قدر بڑھنے کا ریلیف عوام کو دیا جارہا ہے۔
نوازشریف کو اقتدار سے کیوں محروم کیا گیا آج یہ بات کوئی راز کی بات نہیں ہے.انہیں اقتدار سے اس لیے نکالا گیا کیونکہ انہوں نے 20,20 گھنٹے کی لوڈشیڈنگ ختم کی , نوجوانوں کے ہاتھوں میں کلاشنکوف یا کوکین نہیں بلکہ لیپ ٹاپ اور روزگار کیلیے قرضے دیئے تھے.وزیراعظم شہبازشریف pic.twitter.com/XozabgVwje
— PMLN (@pmln_org) July 16, 2023
انہوں ںے کہا کہ جو لوگ ملک کے خلاف سازشیں کررہے تھے ان کی سازشیں دفن ہوگئیں، آئی ایم ایف سے معاہدہ نہیں ہوتا تو معیشت ٹھیک نہیں ہوتی اس معاہدے کا مثبت پہلو یہ سامنے آیا ہے کہ روپے کی قدر میں بہتری آئی، آئی ایم ایف پروگرام کوئی حلوہ یا لڈو پیڑے نہیں بلکہ ایک چیلنجنگ پروگرام ہے۔
https://twitter.com/i/broadcasts/1PlJQppejoYGE
شہباز شریف نے کہا ہے کہ ہمارے تمام منصوبے کامیابیوں کا منہ بولتا ثبوت ہیں ہم نے جرأت مندانہ فیصلے کیے تو معیشت ٹھیک ہوگئی، نواز شریف نے ملک سے لوڈ شیڈںگ ختم کی، ملکی معشیت ٹھیک کی، نوجوانوں کو قرضے اور لیپ ٹاپ دیے اس جرم کی پاداش میں نواز شریف کو اقتدار سے محروم کردیا گیا۔
وزیراعظم نے مزید کہا کہ اگر نواز شریف کو دوبارہ موقع ملا تو ہم پاکستان کا نقشہ بدل دیں گے، آئندہ انتخابات میں جسے بھی عوام منتخب کرے ہم اسے قبول کریں گے ہم ووٹ نہیں مانگ رہے عوام حقائق پر فیصلہ کریں۔
