لاہور ہائیکورٹ ،چیئرمین پی ٹی آئی کیخلاف تادیبی کارروائی سے روکنے کا حکم واپس
![](https://jageernews.com/wp-content/uploads/2023/07/2513696-lahorehighcourt-1689935159-233-640x480-1.jpg)
پاکستان تحریک انصاف کے چیئرمین کے خلاف پنجاب درج کیسز یکجا کرنے اور کارروائی روکنے کی درخواست پر سماعت، حکم واپس -فوٹو: فائل
لاہور: ہائی کورٹ نے چیئرمین پی ٹی آئی کے خلاف تادیبی کارروائی سے روکنے کا حکم واپس لے لیا۔
پاکستان تحریک انصاف کے چیئرمین کے خلاف پنجاب درج کیسز یکجا کرنے اور کارروائی روکنے کی درخواست پر سماعت ہوئی، جس میں لاہور ہائیکورٹ نے چیئرمین پی ٹی آئی کے مقدمات میں تادیبی کارروائی سے روکنے کا حکم واپس لے لیا ۔
چیئرمین پی ٹی آئی کے وکیل انتظار حسین نے عدالت کو بتایا کہ سینئر وکیل دستیاب نہیں، مہلت دی جائے، عدالت تادیبی کارروائی سے روکنے کا حکم واپس نہ لے۔
لاہور ہائی کورٹ کی جسٹس عالیہ نیلم نے مقدمات میں تادیبی کارروائی سے روکنے کا حکم واپس لیتے ہوئے درخواست کی آئندہ سماعت غیر معینہ مدت کے لیے ملتوی کردی۔
واضح رہے کہ چیئرمین پی ٹی آئی کی جانب سے دائر درخواست میں پنجاب بھر میں درج مقدمات یکجا کرنے کی استدعا کی گئی تھی۔