ورلڈکپ2023ء، ٹکٹوں کی فروخت کا آغاز آج سے ہوگا، مگر کب؟
ورلڈکپ ٹکٹوں کی فروخت مرحلہ وار رکھی گئی ہےتاکہ فینز زیادہ سے زیادہ ٹکٹس خرید سکیں، رپورٹس -فوٹو: آئی سی سی
بھارت میں شیڈول ورلڈکپ دیکھنے کے خواہشمند وں کا انتظار ختم ہ، ٹکٹوں کی فروخت کا آغاز آج سے ہوگا
ورلڈکپ کے سب سے بڑے مقابلے پاکستان اور بھارت کے میچ کے ٹکٹ 3 ستمبر سے فروخت کیلئے دستیاب ہوں گے۔
ویب ڈیسک: بھارت کے وارم اَپ اور ورلڈکپ میچز کے علاوہ دیگر ٹیموں کے ٹکٹوں کی فروخت آج پاکستانی وقت کے مطابق شام ساڑھے 7 بجے شروع ہوگی۔ورلڈکپ ٹکٹس زیادہ سے زیادہ فینز خرید سکیں اس لیے ٹکٹوں کی فروخت مرحلہ وار رکھی گئی ہے۔
آئی سی سی چیف ایگزیکٹو جیف ایلرڈائس کےمطابق آج سے ٹکٹوں کی فروخت کا اعلان کرنے پر بہت مسرور ہیں، فینز اس تاریخی ایونٹ کا حصہ بننے کیلئے اپنی اپنی سیٹس بک کروالیں۔
دوسری جانب ورلڈکپ کے سب سے بڑے مقابلے پاکستان اور بھارت کے میچ کے ٹکٹ 3 ستمبر سے فروخت کیلئے دستیاب ہوں گے۔
واضح رہے کہ میگا ایونٹ کا آغاز 5 اکتوبر سے شروع ہوگا، پاکستان ورلڈکپ میں اپنے سفر کا آغاز 6 اکتوبر کو حیدر آباد میں نیدرلینڈز کے خلاف میچ سے کرے گا۔
