راولپنڈی میں خاتون سے ڈکیتی کی سنگین واردات؛ انگھوٹیاں اور کانوں سے بالیاں نوچ کر فرار
دو نامعلوم مسلح ڈاکو نہتی برقعہ پوش خاتون کو زدوکوب کرتے رہے،-فوٹو:
راولپنڈی میں خاتون سے ڈکیتی کی سنگین واردات؛ انگھوٹیاں اور کانوں سے بالیاں نوچ کر فرار ہوگے
راولپنڈی: راولپنڈی میں تھانہ وارث خان کے علاقے حکمداد میں دن دیہاڑے ڈکیتی کی سنگین واردات ہوئی جس میں موٹرسائیکل پر سوار مسلح ڈاکو نہتی خاتون کو اسلحہ کی نوک پر زدوکوب کیا اور ایک ڈاکو نے سونے کی انگھوٹیاں اور دوسرے نے کانوں سے بالیاں نوچ کر خاتون کو لاتیں مارتے موقع سے فرار ہوگے۔ واقع کی سی سی ٹی وی فوٹیج سوشل میڈیا پر وائرل ہوگی، سی سی ٹی فوی فوٹیج میں دیکھا جاسکتا کہ دو نامعلوم مسلح ڈاکو نہتی برقعہ پوش خاتون کو زدوکوب کرتے رہے، ایک ڈاکو نے خاتون کے ہاتھ پکڑ کر سونے کی انگھوٹیاں اتاری اور دوسرا ڈاکو خاتون کا سر پکڑ کر کانوں سے بالیاں نوچتا رہا۔علاوہ ازیں ڈاکو واردات کے بعد خاتون کو سر میں لات مار کر موقع سے فرار ہوگئے۔ پولیس ترجمان کا کہنا ہے کہ متاثرہ خاتون شازیہ ناز کے شوہر ظفر محمود کی درخواست پر ملزمان کے خلاف ڈکیتی کا مقدمہ درج کرلیا ہے۔
یہ واقعہ راولپنڈی میں پیش آیا ہے کس قدر ایک راہ چلتی خاتون سے گن پوائنٹ پر لوٹ مار گئی، اس بڑھتے ہوۓ ظلم کے خلاف کون آواز اٹھاۓ گا کون؟؟؟؟
ریٹویٹ کرتے جائیں تاکہ یہ مجرم جلد از جلد قانون کی گرفت میں آ سکیں؟؟@OfficialDPRPP pic.twitter.com/hK8XBSWAkM— Imran Bilal (@MrImranPk) August 28, 2023
ابتدائی تفتیش کے مطابق ملزمان خاتون سے 1 لاکھ روپے مالیت کے زیورات، ایک موبائیل فون، اے ٹی ایم کارڈ اور شناختی کارڈ لوٹ کر فرار ہوئے ہیں۔ واقع کی سی سی ٹی وی فوٹیج سامنے آنے پر سنئیر پولیس افسران نے ایس ایس پی آپریشنز فیصل سلیم کی سرزنش کرتے ہوئے ملزمان کو فوری گرفتار کرنے کا حکم دیا ہے۔راولپنڈی میں اسٹریٹ کرائم کی وارداتوں میں مسلسل اضافے سے شہری عدم تحفظ کا شکار ہیں، ملزمان سے اب خواتین اور کم عمر بچے بھی محفوظ نہیں رہے۔
