ایشیاءکپ2023ء بابراعظم کو نوجوان کھلاڑیوں کیلئے روی شاستری نے’’مثال‘‘ قرار دیدیا
ایشیاءکپ2022 ءبھارتی ٹیم کو فیورٹ سمجھتا ہوں روی شاستری کا جواب -فوٹو:ویب
بھارت کو پاکستان کیخلاف فیورٹ سمجھا جاتا تھا لیکن بابراعظم کی قیادت میں پاکستان نے اُسے کم کردیا
بھارتی کرکٹ ٹیم کے سابق کرکٹر اور ہیڈکوچ روی شاستری نے موجودہ نسل کے نوجوان بیٹرز کیلئے قومی کرکٹ ٹیم کے کپتان بابراعظم ایک مثال قرار دیدیا۔
کرک انفو کو دیئے گئے انٹرویو میں بھارتی کرکٹر روی شاستری نے کہا کہ پاکستانی کپتان بابراعظم 30 اور 40 رنز کی اننگز کو سینچریوں تبدیل کررہے ہیں، اگر ٹاپ تین بیٹرز میں کوئی بلےباز سینچری بناتا ہے تو وہ ٹیم کا اسکور 300 کے پار پہنچانے میں ٹیم کیلئے مدد گار ثابت ہوتا ہے۔انٹرویو میں سابق کرکٹر سے سوال کیا گیا کہ ایشیاءکپ میں بھارت اور پاکستان میں کون سی ٹیم 2 ستمبر کو میچ جیتنے کی صلاحیت رکھتی ہے؟ جس پر انہوں نے جواب دیا کہ بھارتی ٹیم کو فیورٹ سمجھتا ہوں۔انہوں نے کہا کہ ویرات کوہلی اور روہت شرما جیسے کھلاڑیوں کی موجودگی میں اس ٹیم 2011ء ورلڈکپ جیتنے والی ٹیم کے بعد مضبوط ٹیم ہے۔سابق کرکٹر نے مزید کہا کہ گزشتہ سات، آٹھ سال میں بھارت کو پاکستان کیخلاف مقابلے کیلئے فیورٹ سمجھا جاتا تھا لیکن گزشتہ 2 سال میں بابراعظم کی قیادت میں پاکستان نے اُسے کم کردیا ہے۔
