ایشیاءکپ2023ءبڑے میچز اور ٹورنامنٹس فاسٹ بولرز جتواتے ہیں، بابراعظم

کہا جاسکتا ہے کہ بھارت کے خلاف میچ میں ہمارا پلڑا بھاری ہوگا، کپتان -فوٹو: فائل

پاکستان کی فاسٹ باوُلنگ لائن اَپ اسوقت دنیا کی بہترین باوُلنگ ہے
قومی ٹیم کے کپتان بابراعظم کا کہنا ہے کہ پاکستان کی فاسٹ باوُلنگ لائن اَپ اسوقت دنیا کی بہترین باوُلنگ ہے، بڑے میچز اور ٹورنامنٹس فاسٹ بولرز ہی جتواتے ہیں۔ایشیاءکپ میں بھارت کے خلاف سپر فور مرحلے سے قبل قومی کرکٹ ٹیم کے کپتان بابراعظم نے کولمبو میں پریس کانفرنس کرتے ہوئے کہا کہ سری لنکن کنڈیشنز سے ہم آہنگ ہوگئے ہیں یہاں 2 ماہ سے مسلسل کرکٹ کھیل رہے ہیں، کہا جاسکتا ہے کہ بھارت کے خلاف میچ میں ہمارا پلڑا بھاری ہوگا۔فاسٹ بولرز سے متعلق پوچھے گئے سوال پر بابراعظم نے کہا کہ مجھے اپنے بولرز پر اعتماد ہے، بطور کپتان خوشی ہوتی ہے کہ اسوقت دنیا کی بہترین باوُلنگ لائن ہمارے پاس ہے، بڑے میچز اور ٹورنامنٹس فاسٹ بولرز ہی جتواتے ہیں۔انہوں نے کہا کہ تمام کھلاڑی ایک دوسرے کو بیک کرتے ہیں کسی دن کوئی پرفارم نہ کرسکے تو دوسرا ورنہ تیسرا اُس کی جگہ کھڑے ہونے کی کوشش کرتا ہے۔بابراعظم نے مزید کہا کہ ایشیاءکپ کے شیڈول کا علم تھا، ٹرولنگ ضرور کررہے ہیں لیکن اس دوران کھلاڑیوں کا خیال رکھتے ہیں تاکہ صحیح وقت پر وہ ٹیم کو دستیاب ہوں۔