ویٹرنز کرکٹ ورلڈ کپ،18 رکنی قومی ٹیم کا اعلان

پاکستانی ٹیم اپنا پہلا میچ امریکا کے خلاف کھیلے گی-فوٹو: فائل

ویٹرنز ورلڈ کپ 19 ستمبر سے دواکتوبر تک کراچی میں ہوگا
کراچی:ویٹرنز کرکٹ ورلڈ کپ کے لئے 18 رکنی قومی ٹیم کا اعلان کردیا گیا۔
مصباح الحق، شاہد آفریدی اور عبدالرزاق بھی ویٹرنز ورلڈ کپ میں ایکشن میں نظر آئیں گے۔ ٹیم کے کپتان کا اعلان 16 ستمبر کو کیا جائے گا۔اعلان کردہ ٹیم میں شاہد آفریدی، عبدالرزاق، مصباح الحق، محمد سمیع ، حسن رضا،طارق ہارون، خرم علی خان، وقاص احمد، عبدالقادر، محمد رضوان اسلم، کاشف صدیق، محمد الیاس شامل ہیں۔
افضل شاہ، امجد علی ،عمران علی، تصور عباس،عدنان رئیس اور جنید خلیل نینی تال والا بھی ٹیم کا حصہ ہوں گے۔ یاسر حمید، حارث ایاز اور شہزاد ملک ریزرو کھلاڑیوں میں شامل ہیں۔سابق ٹیسٹ کرکٹر جلال الدین ٹیم کے کوچ اور اعظم خان منیجر ہوں گے۔ ویٹرنز ورلڈ کپ 19 ستمبر سے دواکتوبر تک کراچی میں ہوگا پاکستانی ٹیم اپنا پہلا میچ امریکا کے خلاف کھیلے گی۔