شاہین اورانشاء آفریدی کی مہندی کی تصاویر، ویڈیوز سوشل میڈیا پروائرل
ویڈیوز میں شاہد اورشاہین آفریدی کو ایک ساتھ کھانا کھاتے دیکھا جا سکتا ہے-فوٹو:اسکرین گریب
کراچی: کرکٹر شاہین آفریدی اور کرکٹ ٹیم کے سابق کپتان شاہد آفریدی کی بیٹی کی مہندی کی تصاویر اور ویڈیوز سوشل میڈیا پر وائرل ہوگئیں۔سوشل میڈیا پر سامنے آنے والی ویڈیوز میں شاہد آفرید ی کو شاہین آفریدی کے ساتھ باتیں کرتے اور کھانا کھاتے دیکھا جا سکتا ہے۔مہندی کی تقریب گزشتہ شب کراچی میں شاہد آفریدی کے گھر پر منعقد کی گئی تھی جس میں شاہین آفریدی، ان کے اہل خانہ، دونوں خاندان کے رشتے داروں اور قریبی دوستوں نے شرکت کی۔
@harmain079 Shaheen Afridi mehndi night #shaheenkishadi #shaheenafridi #anshashaheen #worldcup #wedding
ایک ویڈیو میک اپ آرٹسٹ فرقان کی جانب سے بھی شیئر کی گئی ہے جس میں دلہن کو دکھایا گیا ہے تاہم اس بات کی تصدیق نہیں ہوسکی ہے کہ یہ تصویر انشاء آفریدی کی ہے یا ان کی بہن اقصیٰ آفریدی کی ۔انشاء آفریدی اور شاہین آفریدی کی شادی کی تقریب آج کراچی میں ہوگی جبکہ ولیمہ 21 ستمبر کو اسلام آباد میں ہوگا۔
