نیا X وائرس، کورونا سے زیادہ مہلک ثابت ہوسکتا ہے، برطانوی ماہرِ صحت

-فائل:فوٹو

ایکس وائرس، بیکٹیریا یا فنگس کچھ بھی ہوسکتا ہے جس کا ابھی تک کوئی علاج دستیاب نہیں،ڈبلیو ایچ او
لندن: برطانیہ کی ایک ماہر صحت نے خبردار کیا ہے کہ نیا ایکس وائرس کورنا وبا سے زیادہ مہلک وباء کا سبب بن سکتا ہے۔عالمی میڈیا رپورٹس کے مطابق برطانیہ کی ویکسین ٹاسک فورس کی سابق سربراہ کیٹ بنگھم نے ڈیلی میل کو دیئے گئے ایک انٹرویو میں بتایا کہ وائرس جس کا نام عالمی ادارہ صحت (ڈبلیو ایچ او) کی جانب سے X تجویز کیا گیا ہے، کورونا وباء سے زیادہ مہلک وبا کا سبب بن سکتا ہے۔کیٹ بنگھم نے مزید کہا کہ نیا وائرس 1919ء-1920ء کے تباہ کن ہسپانوی فلو جیسا ہو سکتا ہے۔ دوسری جانب ڈبلیو ایچ او کا کہنا ہے کہ ایکس وائرس، بیکٹیریا یا فنگس کچھ بھی ہوسکتا ہے جس کا ابھی تک کوئی علاج دستیاب نہیں۔تشویش کا اظہار کرتے ہوئے کیٹ نے مزید کہا کہ 1918ء سے 1919ء کے فلو کی وباء نے دنیا بھر میں کم از کم 50 ملین افراد کو ہلاک کیا جو کہ پہلی جنگ عظیم میں ہلاک ہونے والے افراد سے زیادہ تعداد تھی۔ اور اس وائرس سے بھی اسی پیمانے پر تباہی آسکتی ہے۔