اسرائیلی طیاروں کی بمباری میں ایک صحافی جاں بحق، چار زخمی
فضائی حملے میں زخمی ہونے والے صحافیوں کو فوری طور پر قریبی ہسپتال لے جایا گیا،میڈیا رپورٹس-فوٹو:اسکرین گریب
ایک ہفتے کے دوران فریقین کے درمیان لڑائی میں شدت آئی ہے
لبنان کے سرحی قصبے پر اسرائیلی بمباری کے نتیجے میں برطانوی خبر رساں ادارے کا صحافی جاں بحق اور چار دیگر صحافی زخمی ہوگئے۔عالمی میڈیا میں شائع ہونے والی رپورٹس کے مطابق جنوبی لبنان کے سرحدی قصبے الما الشاب میں صحافی اسرائیل اور حزب اللہ کے درمیان جاری لڑائی کی کوریج کررہے تھے کہ اسی دوران اسرائیلی طیاروں نے قصبے پر بمباری کردی۔بمباری کی زد میں آ کر برطانوی خبر رساں ادارے رائٹرز سے منسلک صحافی ایسام عبداللہ جاں بحق ہوگئے جبکہ اے ایف پی اور الجزیرہ سے وابستہ صحافی زخمی ہوئے،میڈیا رپورٹس کے مطابق فضائی حملے میں زخمی ہونے والے صحافیوں کو فوری طور پر قریبی ہسپتال لے جایا گیا۔
South Lebanon |
Israeli military targeted [@AJArabic] and [@Reuters] teams. One journalist killed and 2 other seriously injured pic.twitter.com/fAcwKzPfuP
— Younis Tirawi | يونس (@ytirawi) October 13, 2023
واضح رہے کہ حماس اور اسرائیل کے درمیان جاری جنگ کے بعد حزب اللہ نے بھی فلسطینیوں کی حمایت میں اسرائیل پر حملے شروع کردیئے تھے۔ایک ہفتے کے دوران فریقین کے درمیان لڑائی میں شدت آئی ہے، حزب اللہ کی جانب سے آرٹلری کا استعمال کیا جارہا ہے جبکہ اسرائیلی فوج کو طیاروں کی مدد بھی حاصل ہے جو لبنان کے حز ب اللہ کے زیراثر علاقوں پر بمباری کررہے ہیں۔
