فلسطین میں جارحیت، سعودی عرب نے اسرائیل کیساتھ تعلقات کی بحالی روک دی

naeem-ruhani 76 تبصرے 43 مناظر

خطے میں رونما ہونیوالے تازہ تنازع کے بعد سعودی عرب اور ایران کے مابین تعلقات کی نئی فضا ہموار ہوئی ہے-فوٹو:فائل

سعودی عرب اور اسرائیل کے مابین تعلقات کو معمول پر لانے والا امریکی منصوبہ سرد خانے کی نذر ہوگیا
واشنگٹن: فلسطین پر اسرائیلی جارحیت کے بعد سعودی عرب نے بات چیت کو غیر معینہ مدت کیلئے معطل کردیا،سعودی عرب اور اسرائیل کے مابین تعلقات کو معمول پر لانے والا امریکی منصوبہ سرد خانے کی نذر ہوگیا۔اس حوالے سے ریاض میں دو اہم عہدیداروں نے تصدیق کی کہ اسرائیل اور فلسطینی گروپ حماس کے درمیان جنگ بڑھنے کے بعد سعودی خارجہ پالیسی کی ترجیحات پر تیزی سے نظر ثانی کی جارہی ہے۔خطے میں رونما ہونے والے تازہ تنازع کے بعد سعودی عرب اور ایران کے مابین تعلقات کی نئی فضا ہموار ہوئی ہے۔ سعودی ولی عہد شہزادہ محمد بن سلمان نے پہلا فون ایرانی صدر ابراہیم رئیسی کو کیا کیونکہ ریاض پورے خطے میں تشدد میں اضافے کو روکنے کی کوشش کررہا ہے۔دونوں ممالک کے ذرائع نے غیرملکی خبررساں ادارے ’’رائٹرز‘‘ کو بتایا کہ اسرائیل کے ساتھ معمول پر آنے کے بارے میں امریکی حمایت یافتہ بات چیت میں تاخیر ہوگی۔سعودی تجزیہ کارعزیز الغاشیان نے کہا کہ سعودی عرب اور اسرائیل کے تعلقات معمول پر لانے کا عمل پہلے تنقید کی زد میں تھا لیکن اس صرف نے معاملے کو مزید پیچیدہ بنا دیا ہے۔واضح رہے کہ حماس کے الاقصیٰ فلڈ کے بعد اسرائیل نے غزہ اور فلسطین کے متعدد علاقوں میں 6 ہزار سے زائد راکٹ برسائے ہیں جس کے نتیجے میں بچوں سمیت 2 ہزار سے زائد شہری شہید جبکہ ہزاروں زخمی ہوگئے ہیں۔

0Dislike
50% LikesVS
50% Dislikes

مزید پڑھیں

اسرائیلی فوج کی غزہ میں مسجد اور سکول پر وحشیانہ بمباری، 24 فلسطینی شہید
مشرق وسطیٰ پر حکومت کی آل پارٹیز کانفرنس کل ایوان صدر میں ہوگی
اسلام آباد پولیس نے دھاوا ناکام بنانے کیلئے شاندار کردار ادا کیا، وزیراعظم
عمران خان سمیت پی ٹی آئی رہنماؤں کارکنوں پر بغاوت اور دہشتگردی کا مقدمہ
حزب اللہ کے زیراستعمال پیجرز میں دھماکے، امریکی اخبار کے نئے انکشافات
خامنہ ای نے اسرائیل پر میزائل حملے کرنے والے جنرل کو تمغۂ فتح سے…
Load/Hide Comments

76 تبصرے “فلسطین میں جارحیت، سعودی عرب نے اسرائیل کیساتھ تعلقات کی بحالی روک دی”

اپنا تبصرہ بھیجیں