ورلڈکپ2023ء،جنوبی افریقہ نے نیوزی لینڈ کو 190 رنز سے شکست دیدی

جنوبی افریقہ نےپہلےکھیلتےہوئے 50 اوورز میں 4 وکٹوں کے نقصان پر 357 رنز اسکور کیے

پونے:ورلڈ کپ 2023ء، نیوزی لینڈ ہدف کے تعاقب میں 167 رنز پر آؤٹ ہوگئی۔
پونے میں کھیلے گئے میگا ایونٹ کے 32 ویں میچ میں نیوزی لینڈ کی ٹیم 358 رنز کے تعاقب میں 36.3 اوورز میں 167 رنز پر آؤٹ ہوگئی۔کیویز کی جانب سے گلین فلپس 60 رنز بنا کر آؤٹ ہوئے۔ جبکہ اوپننگ بیٹر ڈیون کانوے 2، ول ینگ 33، رچن روندرا 9، کپتان ٹام لیتھم 4، ڈیرل مچل 24، مچل سینٹنر 7، ٹم ساؤتھی 7، جیمز نیشم 0 اور ٹرینٹ بولٹ 9 رن بنا کر آؤٹ ہوئے۔جنوبی افریقہ کی جانب سے کیشو مہاراج نے 4، مارکو جینسن نے 3، جیرالڈ کوٹزے نے 2 جبکہ کیگیسو رباڈا نے 1 وکٹ حاصل کی۔اس سے قبل جنوبی افریقہ نے 50 اوورز میں 4 وکٹوں کے نقصان پر 357 رنز اسکور کیے۔اوپنرز ٹیم کو اچھا دینے میں ناکام رہے، کپتان ٹمبا باؤما 24 رنز بناکر آؤٹ ہوئے جبکہ کوئنٹن ڈی کوک اور راسی وین ڈیر ڈوسن کے درمیان 200 رنز کی پارٹنرشپ قائم ہوئی، ڈی کوک نے 3 چھکوں اور 10 چوکوں کی مدد سے 114 رنز کی اننگز کھیلی۔ وین ڈیر ڈوسن 5 چھکوں اور 9 چکوں کی مدد سے 133 رنز بنا کر آؤٹ ہوئے۔ ڈیوڈ ملر 53 رنز بنا سکے۔ہینرک کلاسن 15 اور ایڈن مارکرم 6 رنز بنا کر ناقابلِ شکست رہے۔نیوزی لینڈ کی جانب سے ٹم ساؤتھی نے 2 جبکہ ٹرینٹ بولٹ اور جیمز نیشم نے 1، 1 وکٹ حاصل کی۔
قبل ازیں نیوزی لینڈ کے کپتان ٹام لیتھم نے ٹاس جیت کر پہلے فیلڈنگ کرنے کا فیصلہ کیا، انہوں نے کہا کہ آسٹریلیا کے خلاف میچ میں جیت سے چند قدم کے فاصلے پر رہے تاہم کوشش کریں گے میں کامیابی سمیٹیں اور اپنی پوزیشن مستحکم کریں۔اس موقع پر نے کہا کہ جنوبی افریقا کے کپتان ٹمبا باؤما نے کہا کہ میچ میں کامیابی سمیٹ کر سیمی فائنل میں پہنچنے کی راہ ہموار کرنا چاہتے ہیں۔جنوبی افریقا نے تبریز شمسی کی جگہ کاگیسو ربادا جبکہ نیوزی لینڈ نے لوکی فرگوسن کی جگہ ٹم ساؤتھی کو پلئینگ الیون میں جگہ دی ہے۔