عالمی منڈی میں سونے کی قیمت میں اضافہ، مقامی سطح پر کم ہوگئی

فی تولہ سونے کی قیمت 500روپے گھٹ کر 214300روپے ہوگئی-فوٹو:فائل

کراچی: عالمی منڈی میں سونے کے نرخ بڑھنے کے باوجود مقامی سطح پر سونے کی قیمت میں کمی ریکارڈ۔
مارکیٹ رپورٹس کے مطابق بین الاقوامی بلین مارکیٹ میں فی اونس سونے کی قیمت 20 ڈالر کے اضافے سے 2006 ڈالر کی سطح پر پہنچنے کے باوجود مقامی صرافہ مارکیٹوں میں جمعہ کو 24 قیراط کے حامل فی تولہ سونے کی قیمت 2200 روپے گھٹ کر دو لاکھ 16 ہزار 500 روپے ہوگئی۔اسی طرح فی دس گرام سونے کی قیمت 1886 روپے گھٹ کر ایک لاکھ 85 ہزار 614 روپے ہوگئی۔دریں اثناء فی تولہ چاندی کی قیمت بغیر کسی تبدیلی کے 2550 روپے اور فی دس گرام چاندی کی قیمت بھی بغیر کسی تبدیلی کے 2186.21 روپے پر مستحکم رہی۔