محمد شامی نے کھائی میں گرنے والی گاڑی سے مسافر کو بحفاظت نکال لیا
میرے بالکل سامنے یہ گاڑی نیچے گری جس میں سوار شخص کو ہم نے باحفاظت باہر نکال لیا،محمد شامی -فوٹو: انڈین میڈیا
کراچی: بھارتی کرکٹر محمد شامی نے حادثے کا شکار کار سوار کی مدد کرکے مثال قائم کردی۔
بھارت کے فاسٹ بولر محمد شامی نے واقعے کی ویڈیو اپنی انسٹاگرام پروفائل پر پوسٹ کی ہے جس میں انہیں نینی تال کے قریب کار حادثے میں بچ جانے والے شخص کی مدد کرتے دیکھا جا سکتا ہے۔محمد شامی نے لکھا کہ نینی تال کے قریب ہل روڈ پر میرے بالکل سامنے یہ گاڑی نیچے گری جس میں سوار شخص کو ہم نے باحفاظت باہر نکال لیا۔ یہ شخص خوش قسمت ہے کہ خدا نے اسے دوسری زندگی بخشی ہے۔یاد رہے کہ محمد شامی خود بھی 2018ء میں دہرادون سے نئی دہلی جاتے ہوئے کار حادثے میں شدید زخمی ہوگئے تھے تاہم اس حادثے میں انکی جان بچ گئی تھی۔ یہ وہ وقت تھا جب انکی اہلیہ حسین جہاں نے ان کے خلاف گھریلو تشدد کا مقدمہ بھی درج کروایا تھا۔محمد شامی نے حال ہی میں آئی سی سی ورلڈ کپ 2023ء میں زبردست پرفارمنس دکھائی۔ وہ سب سے زیادہ 24 وکٹیں لیکر ٹورنامنٹ کے کامیاب ترین بولر ثابت ہوئے۔
https://www.instagram.com/reel/C0E3eCFCB3U/?utm_source=ig_web_copy_link
