تاحیات نا اہلی کیس : سپریم کورٹ کا 7رکنی بنچ تشکیل، سماعت منگل کوہوگی
حکومت نے الیکشن ایکٹ میں ترمیم کر کے آرٹیکل 62 ون ایف کے تحت نااہلی کی مدت کو پانچ سال کر دیا تھا-
آرٹیکل کے تحت کئی سیاست دان نااہل ہوئےجن میں نمایاں ترین نواز شریف، سربراہ جہانگیر ترین سمیت دیگر کئی شامل ہیں
اسلام آباد : سپریم کورٹ میں ارکان پارلیمنٹ کی تاحیات نا اہلی کیس کیلئے سات رکنی بنچ تشکیل دے دیا گیا سماعت منگل کو ہوگی ۔
چیف جسٹس آف پاکستان جسٹس قاضی فائز عیسیٰ کی سربراہی میں سات رکنی لارجر بنچ کل آرٹیکل 62 ون ایف کے تحت ارکانِ پارلیمنٹ کی تاحیات نااہلی کیس کی سماعت منگل کو کرے گا۔بنچ میں جسٹس منصور علی شاہ ، جسٹس یحی آفریدی، جسٹس امین الدین خان شامل ہیں جبکہ جسٹس جمال مندوخیل، جسٹس محمد علی مظہر اور جسٹس مسرت ہلالی بھی بنچ کا حصہ ہونگے۔خیال رہے کہ سابقہ حکومت نے الیکشن ایکٹ میں ترمیم کی تھی جس کے بعد آرٹیکل 62 ون ایف کے تحت نااہلی کی مدت کو پانچ سال کر دیا تھا۔مذکورہ آرٹیکل کے تحت کئی سیاست دان نااہل ہوئے ہیں جن میں نمایاں ترین سابق وزیرِ اعظم نواز شریف، استحکام پاکستان پارٹی کے سربراہ جہانگیر ترین سمیت دیگر کئی سیاست دان شامل ہیں۔
