پاک فوج کے شہید میجر بابر نیازی میانوالی میں سپرد خاک

پاکستان کی مسلح افواج مادر وطن سے دہشتگردی کی لعنت کو ہر قیمت پر ختم کرنے کے لیے پرعزم ہیں-فوٹو: آئی ایس پی آر

راولپنڈی: پاک فوج کے شہید میجر بابر نیازی کو انکے آبائی علاقے میانوالی میں مکمل فوجی اعزاز کے ساتھ سپرد خاک کردیا گیا۔
آئی ایس پی آر کے مطابق 36 سالہ میجر بابر نیازی گزشتہ روز بلوچستان کے ضلع ژوب کے علاقے سمبازہ میں دہشتگردوں کے خلاف انٹیلی جنس بیسڈ آپریشن کے دوران شہید ہوگئے تھے۔انکی نماز جنازہ میں پاکستان آرمی اور پاکستان ایئر فورس کے حاضر سروس اور ریٹائرڈ سینئر افسران و جوانوں، شہید کے رشتے داروں اور اہل علاقہ کی بڑی تعداد نے شرکت کی۔آئی ایس پی آر کا کہنا ہے کہ پاکستان کی مسلح افواج مادر وطن سے دہشتگردی کی لعنت کو ہر قیمت پر ختم کرنے کے لیے پرعزم ہیں۔

50% LikesVS
50% Dislikes

اپنا تبصرہ بھیجیں