ن لیگ اور پی پی پی کی اہم بیٹھک، پی ٹی آئی پر پابندی پر مزید مشاورت کا فیصلہ

مذاکرات کے لیے مسلم لیگ ن کا وفد ایوان صدر پہنچا۔حکومتی وفد نے ایوان صدر میں پیپلز پارٹی سے ملاقات کی -فوٹو: فائل

اجلاس میں پنجاب کے انتظامی معاملات سمیت موجودہ سیاسی صورتحال اور حکومت کی جانب سے تحریک انصاف پر پابندی کا معاملہ زیر غور آیا
اسلام آباد: مسلم لیگ (ن) اور پیپلزپارٹی کے درمیان مذاکرات کا اہم دور ایوان صدر میں ہوا، جس میں تحریک انصاف پر پابندی کے معاملے پر بھی مشاورت کی گئی۔تفصیلات کے مطابق پاکستان مسلم لیگ ن اور پیپلز پارٹی کے درمیان مذاکرات کا اہم دور ایوان صدر میں ہوا، مذاکرات کے لیے مسلم لیگ ن کا وفد ایوان صدر پہنچا۔حکومتی وفد نے ایوان صدر میں پیپلز پارٹی سے ملاقات کی مسلم لیگ ن کے وفد میں اسپیکر قومی اسمبلی ایاز صادق، نائب وزیراعظم اسحاق ڈار، وزیر قانون اور رانا ثناءاللہ ملاقات میں شامل تھے اٹارنی جنرل اور دیگر بھی ملاقات میں موجود تھے۔پیپلز پارٹی کے وفد میں شیری رحمان، راجہ پرویز اشرف، ندیم افضل چن شامل تھے۔ ذرائع کے مطابق اجلاس میں پنجاب کے انتظامی معاملات سمیت موجودہ سیاسی صورتحال اور حکومت کی جانب سے تحریک انصاف پر پابندی کا معاملہ زیر غور آیا۔اجلاس میں فیصلہ کیا گیا پاکستان تحریک انصاف پر پابندی کے حوالے سے مزید مشاورت کی جائے گی اور ارکان کی رائے کو مرکزی قائدین تک پہنچایا جائے گا۔

50% LikesVS
50% Dislikes

اپنا تبصرہ بھیجیں