سندھ میں دہشت گردی کا شکار والدین کے بچوں کو نجی سکولوں میں مفت تعلیم دینے کا فیصلہ

تمام سکولوں میں مفت تعلیم دینے کے لیے والدین اور اساتذہ پر مشتمل کمیٹی قائم کرنے کی ہدایت بھی دی ہے-فوٹو: فائل

کراچی: صوبۂ سندھ میں دہشت گردی کا شکار ہونے والے والدین کے بچوں کو نجی سکولوں میں مفت تعلیم دینے کا فیصلہ کر لیا گیا۔
ایڈیشنل ڈائریکٹر پرائیوٹ انسٹی ٹیوشنز سندھ رفیعہ جاوید نے ایک مراسلے کے ذریعے نجی سکولوں کو دہشت گردی کا شکار ہونے والے والدین کے بچوں کو مفت تعلیم دینے کے فیصلے کے بارے میں آگاہ کیا ہے۔رفیعہ جاوید نے کہا ہے کہ کم آمدن اور شہید والدین کے بچوں کو نجی سکولوں میں مفت تعلیم دی جائے گی۔ اُنہوں نے تمام سکولوں میں مفت تعلیم دینے کے لیے والدین اور اساتذہ پر مشتمل کمیٹی قائم کرنے کی ہدایت بھی دی ہے۔ایڈیشنل ڈائریکٹر پرائیوٹ انسٹی ٹیوشنز سندھ نے مزید کہا کہ یہ کمیٹی فیصلہ کرے گی کہ کون سے بچے مستحق ہیں اور اسکول میں کل تعداد کے 10 فیصد بچوں کو مفت پڑھایا جائے گا۔رفیعہ جاوید نے یہ بھی کہا کہ ایسے 10 فیصد بچوں کو مفت تعلیم نہ دینے والے سکولوں کےخلاف کارروائی کی جائے گی۔