عادل حسین اور سندیپ ریڈی وانگا کے درمیان تنازع شدت اختیار کرگیا

انہیں حق ہے کہ وہ ایسی فلموں پر تنقید کریں جو خواتین کے خلاف تشدد اور نفرت کو بڑھاوا دیتی ہیں،اداکار-فوٹو : ویب ڈیسک

عادل حسین نے سندیپ کے دعوے کو مسترد کرتے ہوئے کہا کہ اگر فلم ساز کو لگتا ہے کہ انہوں نے انہیں مشہور کیا، تو کیا آسکر ایوارڈ یافتہ انگ لی اور میرا نائر مجھ سے کم مشہور ہیں؟
سنیما ایک طاقتور ذریعہ ہے جو معاشرے پر گہرا اثر ڈال سکتا ہے، ایسے ملک میں جہاں لوگ ہیروز کے مجسمے بنا کر ان کی پوجا کرتے ہیں، فلمسازوں کو سوچ سمجھ کر فلمیں بنانی چاہئیں

ممبئی: بھارتی اداکار عادل حسین اور ہدایتکار سندیپ ریڈی وانگا کے درمیان تنازع شدت اختیار کرگیا۔
بھارتی میڈیا کے مطابق عادل حسین نے فلم ’کبیر سنگھ‘ کا حصہ بننے پر شرمندگی کا اظہار کیا تھا جس پر سندیپ ریڈی وانگا نے سوشل میڈیا پر دعویٰ کیا کہ انہوں نے عادل حسین کو شہرت دلائی ہے۔عادل حسین نے سندیپ کے دعوے کو مسترد کرتے ہوئے کہا کہ اگر فلم ساز کو لگتا ہے کہ انہوں نے انہیں مشہور کیا، تو کیا آسکر ایوارڈ یافتہ انگ لی اور میرا نائر مجھ سے کم مشہور ہیں؟بھارتی اداکار نے کہا کہ انہیں اپنی غلطی کا احساس ہوا جب انہوں نے ’کبیر سنگھ‘ دیکھی اور سمجھا کہ انہوں نے فلم کی کہانی پڑھے بغیر غلطی کی۔اداکار نے کہا کہ انہیں حق ہے کہ وہ ایسی فلموں پر تنقید کریں جو خواتین کے خلاف تشدد اور نفرت کو بڑھاوا دیتی ہیں۔ان کا مزید کہنا تھا سنیما ایک طاقتور ذریعہ ہے جو معاشرے پر گہرا اثر ڈال سکتا ہے، ایسے ملک میں جہاں لوگ ہیروز کے مجسمے بنا کر ان کی پوجا کرتے ہیں، فلمسازوں کو سوچ سمجھ کر فلمیں بنانی چاہئیں۔