شبانہ آعظمی سے شادی پر والد سے سخت ناراض تھا، فرحان اختر کا انکشاف

فرحان اختر کا کہنا تھا اس وقت وہ اپنے والد سے بہت ناراض تھے اور انہیں لگا کہ والد نے دھوکا دیا ہے-فوٹو : انٹرنیٹ

ممبئی: بالی وڈ اداکار اور فلمساز فرحان اختر نے انکشاف کیا ہے کہ شبانہ آعظمی سے شادی پر وہ اپنے والد جاوید اختر سے سخت ناراض تھے۔ یہ انکشاف انہوں نے پرائم ویڈیو کی ڈاکیومینٹری ’اینگری ینگ مین‘ کی ایک قسط میں کیا، جو 1970ء کی دہائی کے ہندی سنیما کے مشہور اسکرین رائٹرز سلیم خان اور جاوید اختر کی فنی اور ذاتی زندگیوں پر مبنی ہے۔فرحان اختر کا کہنا تھا اس وقت وہ اپنے والد سے بہت ناراض تھے اور انہیں لگا کہ والد نے دھوکا دیا ہے۔اداکار نے بتایا کہ والد کے ساتھ نارمل ہونے میں انہیں وقت لگا، اور اس عمل میں شبانہ آعظمی نے اہم کردار ادا کیا۔ڈاکیومینٹری کے آخری حصے میں جاوید اختر نے اپنی پہلی بیوی ہنی کے بارے میں اپنی غلطیوں کا ذکر کیا اور کہا کہ ہنی واحد فرد ہیں جن کے بارے میں انہیں اپنی غلطی کا احساس ہے۔جاوید اختر نے اس بات کو تسلیم کیا کہ اس غلطی کی 67 فیصد ذمہ داری ان کے اپنے کاندھوں پر ہے۔