پاک بحریہ کے 2 جنگی جہازوں کا دورہِ متحدہ عرب امارات اور جنگی مشق نصل البحر میں شرکت

ملاقاتوں کے دوران باہمی دلچسپی کے پیشہ وارانہ امور اور دوطرفہ بحری تعاون پر تبادلہ خیال کیا گیا-

ابو ظہبی آمد پر پاک بحریہ کے جہازوں کا متحدہ عرب امارات بحریہ کے اعلیٰ افسران اور پاکستانی سفارت خانے کے حکام نے استقبال کیا،آئی ایس پی آر

راولپنڈی: پاک فوج کے شعبہ تعلقات عامہ کے مطابق پاک بحریہ کے جنگی جہازوں شمشیر اور ہیبت نے دورہِ متحدہ عرب امارات اور جنگی مشق نصل البحر میں شرکت کی۔آئی ایس پی آر کے مطابق ابو ظہبی آمد پر پاک بحریہ کے جہازوں کا متحدہ عرب امارات بحریہ کے اعلیٰ افسران اور پاکستانی سفارت خانے کے حکام نے استقبال کیا۔مشن کمانڈر نے کمانڈنگ آفیسرز پی این ایس شمشیر اور پی این ایس ہیبت کے ساتھ میزبان اعلیٰ عسکری قیادت سے اہم ملاقاتیں کیں، ملاقاتوں کے دوران باہمی دلچسپی کے پیشہ وارانہ امور اور دوطرفہ بحری تعاون پر تبادلہ خیال کیا گیا۔

پاک فوج کے شعبہ تعلقات عامہ کے مطابق بندرگاہ پر قیام کے دوران متحدہ عرب امارات کے معاون وزیر برائے سلامتی اور میری ٹائم افیئرز، مسلح افواج کی اعلیٰ قیادت، پاکستانی سفیر، پاکستانی کمیونٹی اور طلباء نے جہاز کا دورہ کیا۔