سونے کی عالمی اور مقامی مارکیٹوں میں قیمت کم ہو گئی

گزشتہ روز ملک میں سونے کی قیمت تاریخ کی بلند ترین سطح پر پہنچ گئی تھی -فوٹو: فائل

کراچی: سونے کی عالمی اور مقامی مارکیٹوں میں قیمت کم ہو گئی۔
بین الاقوامی بلین مارکیٹ میں فی اونس سونے کی قیمت 8ڈالر کی کمی سے 2515ڈالر کی سطح پر آ گئی۔دوسری جانب مقامی صرافہ مارکیٹوں میں بھی جمعرات کے روز 24 قیراط کے حامل فی تولہ سونے کی قیمت 1000 روپے کی کمی سے 263000روپے کی سطح پر آگئی اور فی 10 گرام سونے کی قیمت 857روپے کی کمی سے 225480 روپے کی سطح پر آگئی۔سونے کی قیمت میں کمی کے برعکس فی تولہ چاندی کی قیمت بغیر کسی تبدیلی کے 2900روپے اور فی 10 گرام چاندی کی قیمت بھی بغیر کسی تبدیلی کے 2486.28 روپے پر مستحکم رہی۔