اچھے الفاظ صدقہ جاریہ ہوتے ہیں

نیکی ہمیشہ پھل دیتی ہے۔”‏اچھے اور مہربان الفاظ قیمتی موتی کی طرح ہیں-

ایک دفعہ کا ذکرہےکہ ایک بادشاہ نے اعلان کیا کہ جو بھی ایک اچھا اور مہربان لفظ کہے گا اسے انعام کے طور پر 400 دینار دیے جائیں گے!!!‏ایک روز بادشاہ اپنی شاہی سواری پر شہر کی سیر کر تا ہوا کھیتوں کی طرف نکل آیا اس نے ایک 90 سالہ بوڑھے کسان کو زیتون کا پودا لگاتے دیکھا۔ ‏بادشاہ نے اس سے پوچھا: “تم زیتون کا پودا کیوں لگا رہے ہو، جو بیس سال بعد پھل دے گا؟ جبکہ تم خود 90 سال کے بوڑھے ہو، اور تمہاری زندگی کا وقت کم ہے؟”‏بوڑھے کسان نے جواب دیا: “ہمارے بزرگوں نے لگایا، اور ہم نے فائدہ اٹھایا، اب ہم لگا رہے ہیں تاکہ آنے والی نسلیںاس سے فائدہ اٹھائیں۔”‏بادشاہ نے کہا: “واہ! یہ تو ایک بہت اچھا اور مہربان لفظ ہے۔” پھر بادشاہ نے حکم دیا کہ اسے 400 دینار دیے جائیں۔ بوڑھا کسان دینار لے کر مسکرایا۔‏بادشاہ نے پوچھا: “تم مسکرائے کیوں؟”‏بوڑھے کسان نے جواب دیا: “زیتون کا پودا بیس سال بعد پھل دیتا ہے، اور میرا پودا تو ابھی ہی پھل دے رہا ہے!”‏بادشاہ نے کہا: “واہ! یہ تو واقعی ایک اچھا جواب ہے۔” پھر بادشاہ نے حکم دیا کہ اسے 400 دینار اور دیے جائیں۔ بوڑھا کسان دوبارہ مسکرایا۔‏بادشاہ نے پوچھا: “اب کیوں مسکرائے؟”بوڑھے کسان نے کہا: “زیتون کا پودا سال میں ایک دفعہ پھل دیتا ہے، اور میرا پودا تو دو بار پھل دے رہا ہے!”‏بادشاہ نے کہا: “واہ! یہ تو واقعی کمال کی بات ہے۔” پھر بادشاہ نے حکم دیا کہ اسے 400 دینار اور دیے جائیں۔ اس کے بعد بادشاہ تیزی سے وہاں سے چلا گیا۔‏بادشاہ کے سپہ سالار نے پوچھا: “جناب، آپ اتنی جلدی کیوں چل دیے؟”‏بادشاہ نے جواب دیا: “اگر میں صبح تک یہاں بیٹھا رہا تو خزانے خالی ہو جائیں گے اور اس بوڑھے کسان کے مہربان الفاظ ختم نہیں ہوں گے کیونکہ نیکی ہمیشہ پھل دیتی ہے۔”‏اچھے اور مہربان الفاظ قیمتی موتی کی طرح ہیں۔ یہ ہمیں حسن اخلاق کے ساتھ لوگوں کے دل جیتنے میں مدد دیتے ہیں۔ اگر ہم دوسروں پر اثر ڈالنا چاہتے ہیں تو ہمیں اپنی زبان کو اچھے اور میٹھے الفاظ سے آراستہ کرنا چاہیے۔ اپنے دلوں کو صاف کریں تاکہ جن لوگوں سے ملیں ان کے دلوں میں خوشی بکھیر سکیں۔ ہر انسان کو ایسے شخص کی ضرورت ہوتی ہے جو ایک مسکراہٹ یا اچھے لفظ سے اس کا دل خوش کر سکے۔ اسی لیے اچھے الفاظ صدقہ جاریہ ہوتے ہیں