حکومت، صحت مند خوراک تک رسائی کو یقینی بنانے میں کردار ادا کرے ،مسعود اُلرحمان کیانی
حکومت الٹرا پروسیسڈ مصنوعات پر ٹیکس میں اضافہ کرے جس سے آمدنی میں اضافہ ہوگا اور عوام کی صحت بھی بہتر ہو گی،ثناء اللہ گھمن-فوٹو:فائل
41 فیصد سے زیادہ بالغ پاکستان میں زیادہ وزن یا موٹاپے کاشکارہیں، 33 ملین سے زیادہ ذیابیطس کے ساتھ زندگی گزار رہے ہیں، اگر فوری طور پرپالیسی ایکشن نہیں لیا گیا تو یہ تعداد 2045ء تک بڑھ کر 62 ملین تک پہنچ جائے گی
حکومت ٹیکس میں اضافے سمیت فیصلہ کن اقدام کرے اور تمام مصنوعات پر فرنٹ آف پیک انتباہی لیبل متعارف کیے جائیں، یہ اقدامات عالمی سطح پر موثر ثابت ہوئے ہیں اور غیر صحت بخش اشیاء کے استعمال کو کم کرنے کے لیے ضروری ہیں
اسلام آباد (جاگیرنیوز) خوراک کے عالمی دن کے موقع پر، میجر جنرل مسعود اُلرحمان کیانی نے صحت مند خوراک تک رسائی کے لیے حکومت کے اہم کردار پر زور دیا۔ انہوں نے صحت کے خطرناک اعدادوشمار پر روشنی ڈالتے ہوئے کہا، ”پاکستان کو صحت کے بحران کا سامنا ہے،انٹرنیشنل ذیابیطس فیڈریشن رپورٹ کے مطابق پاکستان میں ذیابیطس کے مریض جن کی تعداد 33 ملین ہے اور مزید 10 ملین بیماری کے دہانے پر ہیں، جیسا کہ۔ موٹاپا بڑھ رہا ہے، ہائی بلڈ پریشر بہت زیادہ ہے، اور یہ بیماریاں جن کی روک تھام ممکن ہے روزمرہ کی زندگی کا حصہ بنتے جا رہی ہیں۔میجر جنرل کیانی نے صحت مند کھانے کے انتخاب کو اپنانے کی ضرورت پر زور دیا: ”ہمیں گھر پر توجہ مرکوز کرنی چاہیے۔ پکا ہوا کھانا، نمک، چینی اور تیل کا استعمال کم کریں، میٹھے مشروبات پر پانی کا انتخاب کریں، اورتازہ، غیر پروسس شدہ کھانوں کو ترجیح دیں۔ GHAIکے کنٹری کوآرڈینیٹر منور حسین نے الٹراپروسیسڈمصنوعات کے استعمال کے نقصانات پر روشنی ڈالی اور کہا کہ غیر متعدی امراض (NCDs) کے بڑھتے ہوئے پھیلاؤ کی بڑھی وجہ الٹرا پروسیسڈ مصنوعات (UPPs) کے وسیع پیمانے پر استعمال ہے۔ 41 فیصد سے زیادہ بالغ پاکستان میں زیادہ وزن یا موٹاپے کاشکارہیں، 33 ملین سے زیادہ ذیابیطس کے ساتھ زندگی گزار رہے ہیں۔ اگر فوری طور پرپالیسی ایکشن نہیں لیا گیا تو یہ تعداد 2045 تک بڑھ کر 62 ملین تک پہنچ جائے گی۔انہوں نے اس بات پر زور دیا کہ ضرورت سے زیادہ چینی، نمک اور ٹرانس فیٹس سے لدے یو پی پیز ایک اہم مسئلہ ہیں۔ انہوں نے حکومت پر زور دیا کہ وہ ٹیکس میں اضافے سمیت فیصلہ کن اقدام کرے اور تمام مصنوعات پر فرنٹ آف پیک انتباہی لیبل متعارف کیے جائیں۔ ”یہ اقدامات عالمی سطح پر موثر ثابت ہوئے ہیں اور غیر صحت بخش اشیاء کے استعمال کو کم کرنے کے لیے ضروری ہیں۔ثناء اللہ گھمن، ورلڈ فوڈ ڈے 2024ء کے موقع پر بات کرتے ہوئے کہا کہ ”حکومت کو چاہیے وہ واضح فرنٹ آف پیک سمیت مضبوط پالیسیوں کے ساتھ خوراک کے بحران سے نمٹنے کے لیے ذمہ داری کی ادا کرے۔غیر ضروری اشیاء نہ صرف صحت عامہ کو خراب کرتی ہیں بلکہ صحت کی دیکھ بھال کے نظام کو بھی متاثر کرتی ہیں۔۔UPPs پر ٹیکس لگانے سے تین گنا فوائد حاصل ہوں گے: حکومت کی آمدنی میں اضافہ، صحت کی دیکھ بھال کے اخراجات میں کمی,اور ایک صحت مندعوام۔
موجودہ مالیاتی چیلنجوں کی روشنی میں، جہاں حکومت ٹیکس سے نمٹنے کے لیے آپشنز تلاش کر رہی ہے ،ثناء اللہ گھمن نے حکومت سے مطالبہ کیا کہ حکومت الٹرا پروسیسڈ مصنوعات پر ٹیکس میں اضافہ کرے جس سے آمدنی میں اضافہ ہوگا اور عوام کی صحت بھی بہتر ہو گی۔
