کے الیکٹرک صارفین کیلئے اچھی خبر، بجلی کی قیمتوں میں کمی

قیمتوں میں کمی کا اطلاق ماہانہ 300 یونٹ تک بجلی استعمال کرنےوالے صارفین پر نہیں ہوگا

اسلام آباد: (جاگیرنیوز) کراچی کے صارفین کیلئے بجلی سستی کر دی گئی۔
نیشنل الیکٹرک پاور ریگولیٹری اتھارٹی (نیپرا) کی جانب سے کراچی کے صارفین کے لیے ماہانہ ایڈجسٹمنٹ مد میں بجلی 18 پیسے فی یونٹ سستی کی گئی ہے۔نیپرا نے ستمبر 2024ء کی ماہانہ ایڈجسٹمنٹ کے تحت کمی کا نوٹیفکیشن جاری کر دیا ہے۔نوٹیفکیشن میں کہا گیا ہے کہ کے الیکٹرک صارفین کو کمی کا ریلیف دسمبر کے بلوں میں دیا جائے، قیمتوں میں کمی کا اطلاق ماہانہ 300 یونٹ تک بجلی استعمال کرنےوالے صارفین پر نہیں ہوگا۔