نیپرا نے بجلی کی قیمتوں میں اضافے کی منظوری دے دی

بجلی کی قیمتوں میں اضافے سے صارفین پر ایک ارب 18 کروڑ کا اضافی بوجھ پڑے گا

اسلام آباد: (جاگیرنیوز) نیپرا نے بجلی کی فی یونٹ قیمت میں ساڑھے 19 پیسے اضافے کی منظوری دے دی۔
نیپرا کی جانب سے بجلی کی قیمتوں میں اضافہ 25 -2024ء کی پہلی سہ ماہی ایڈجسمنٹ کی مد میں کیا گیا، بجلی کی قیمتوں میں اضافے سے صارفین پر ایک ارب 18 کروڑ کا اضافی بوجھ پڑے گا۔نوٹیفکیشن کے مطابق صارفین سے اضافی رقم کی وصولی دسمبر کے بلوں میں کی جائے گی، اضافے کا اطلاق تمام صارفین ماسوائے لائف لائن اور پری پیڈ کنزیومرز پر ہوگا۔