دوسرا ٹی 20: پاکستان کا جنوبی افریقہ کو 207 رنز کا ہدف

اوپنرصائم ایوب نے 5 چھکوں اور 11 چوکوں کی مدد سے 98 رنز کی شاندار ناٹ آؤٹ اننگ کھیلی

سینچورین: (جاگیر نیوز) ٹی 20 سیریز کے دوسرے میچ میں پاکستان نے جنوبی افریقہ کو جیت کیلئے 207 رنز کو ہدف دے دیا۔

سینچورین میں کھیلے جا رہے میچ میں پاکستان نے پہلے بیٹنگ کرتے ہوئے 5 وکٹوں کے نقصان پر مقررہ اوورز میں 206 رنز اسکور کیے۔پاکستان کی جانب سے صائم ایوب نے 5 چھکوں اور 11 چوکوں کی مدد سے 98 رنز کی شاندار ناٹ آؤٹ اننگ کھیلی۔دیگر بیٹرز میں بابر اعظم 31، عرفان خان 30، محمد رضوان 11، طیب طاہر 6 اور عثمان خان 3 رنز بنا کر آؤٹ ہوئے۔عباس آفریدی 11 رنز بنا کر ناٹ آؤٹ پویلین لوٹے۔پروٹیز کی جانب سے ڈیبیوٹنٹ ڈایان گیلیم اور اوٹنیل بارٹمین نے 2، 2 جبکہ جارج لِنڈا نے 1 کھلاڑی کو آؤٹ کیا۔