چینی رولنگ اسٹاک کمپنی نے دبئی میٹرو بلیو لائن کا ٹھیکہ حاصل کرلیا
متحدہ عرب امارات کے دبئی میں کیتا ڈرون کا ایک ڈرون پارسل کی ترسیل کررہا ہے۔ (شِنہوا)
دبئی (شِنہوا) دبئی کی روڈز اینڈ ٹرانسپورٹ اتھارٹی (آر ٹی اے) نے کہا ہے کہ چائنہ ریلوے رولنگ اسٹاک کارپوریشن (سی آر آر سی) نے دبئی میٹرو بلیو لائن منصوبے کا ٹھیکہ حاصل کرلیا ہے۔یہ دبئی شہری ماسٹر پلان 2040 کا ایک اہم جزو ہے جس نے 2023 کے اختتام پر اپنے پری کوالیفکیشن مرحلے کے بعد سے عالمی توجہ حاصل کی ہے۔2024 کے شروع میں بولی کے آغاز اور اکتوبر میں اس کے اختتام کے بعد سی آر آر سی کا کنسورشیم متعدد اہم مقامی اور عالمی حریفوں کے درمیان مقابلے میں کامیاب رہا۔اس معاہدے کی مالیت تقریباً 5.6 ارب امریکی ڈالر ہے جس میں لائن ڈیزائن، تعمیر، کمیشننگ، نظام کی دیکھ بھال اور رولنگ اسٹاک کی فراہمی سمیت وسیع ذمہ داریاں شامل ہیں۔سی آر آر سی کے ایک نمائندے نے شِنہوا کو بتایا کہ اس منصوبے کو حاصل کرنا کمپنی کے لئے ہائی اینڈ خلیجی مارکیٹ میں ایک اور سنگ میل ہے۔نمائندے کا کہنا تھا کہ یہ کامیابی بیلٹ اینڈ روڈ انیشی ایٹو کی اعلیٰ معیار کی ترقی کے فروغ میں ہمارے عزم کا اظہار بھی ہے۔بلیو لائن کے 2029 میں فعال ہونے کی توقع ہے۔
