چین میں کینیڈین سرجن نورمن بیتھون کی برسی پر تقریب کا انعقاد
چین کے شمالی صوبے ہیبے کے شہر شی جیا چوانگ میں ایک یادگاری تقریب کے شرکا کینیڈین سرجن نورمن بیتھون کے مقبرے پر سلامی دے رہے ہیں-(شِنہوا)
شی جیا چوانگ(شِنہوا)چین کے شمالی صوبے ہیبے میں کینیڈین سرجن نورمن بیتھون کے بےلوث اور عالمگیریت کے جذبے کی یاد میں ایک تقریب کا انعقاد کیا گیا۔
صوبائی دارالحکومت شی جیا چوانگ میں نارتھ چائنہ ملٹری مارٹائرز سیمیٹری نے’’وقت اور خلا کے ذریعے یادوں‘‘ کے عنوان سے تقریب کی میزبانی کی۔سپاہیوں،طلبہ اور زندگی کے مختلف شعبوں سے تعلق رکھنے والے تقریباً 100 افراد نے تقریب میں شرکت کی۔اس سال بیتھون کی 85ویں برسی ہے جو جاپانی جارحیت کے خلاف لڑائی میں چینی عوام کی مدد کرتے ہوئے 12 نومبر 1939ء کو خون میں زہرپھیلنے کے سبب 49 برس کی عمر میں انتقال کر گئے تھے۔ان کی باقیات کو 1953ء میں قبرستان منتقل کردیا گیا تھا۔یادگاری تقریب کا آغاز صبح 10 بجے ہوا جس میں شرکاء نے سرجن کے مقبرے کے سامنے جھک کر پھولوں کا گلدستہ پیش کیا۔پروموش آف چائنیز انڈسٹریل کوآپریٹوز کی بین الاقوامی کمیٹی کے چیئرمین مائکل کروک نے کہا کہ میرے والد کی جنگ کے زخموں کے علاج کے دوران نورمن بیتھون سے ملاقات ہوئی تھی۔ان سے متاثر ہو کر میرے والد نےچین آنے کا ارادہ کیا جہاں ان کی ملاقات میری والدہ سے ہوئی اور بعد میں میری پیدائش ہوئی۔ان کے والدین ڈیوڈ اور ایزابیل کروک نے چین کے لئے بڑی تعداد میں غیر ملکی زبان کے ماہرین کی تربیت میں اہم کردار ادا کیا۔نارتھ چائنہ ملٹری مارٹائرز سیمیٹری کے ڈائریکٹر ہوجن چھیانگ نے کہا کہ وقت کے ساتھ بیتھون کا جذبہ کم نہیں ہوا بلکہ یہ بڑے پیمانے پر چین اور کینیڈا میں وراثت کے طور پر منتقل ہوا اور آگے بڑھاہے۔
