سنگا پور اوپن ٹینس ٹورنامنٹ: برطانوی کھلاڑی ایماراڈوکانو کا ابتدائی راؤنڈ میں سفر تمام

سٹینا بکسا نے خواتین کے سنگلز مقابلوں میں حریف کھلاڑی ایما راڈو کانو کو شکست دے کر دوسرے راؤنڈ کے لئے کوالیفائی کیا

سنگاپور: (ویب ڈیسک) برطانوی ٹینس سٹار ایما راڈو کانو سنگا پور اوپن ٹینس ٹورنامنٹ کے ابتدائی راؤنڈ میں ہار کر ایونٹ سے باہر ہوگئیں۔
سپین کی 27 سالہ ٹینس سٹار کرسٹینا بکسا نے عمدہ کھیل پیش کرتے ہوئے خواتین کے سنگلز مقابلوں کے ابتدائی راؤنڈ میں برطانوی حریف کھلاڑی ایما راڈو کانو کو شکست دے کر دوسرے راؤنڈ کے لئے کوالیفائی کیا۔سنگا پور اوپن ٹینس ٹورنامنٹ کے انتہائی دلچسپ اور کانٹے دار مقابلے سنگاپور کے کالنگ ٹینس سنٹر میں جاری ہیں جس میں شائقین ٹینس کو عمدہ مقابلے دیکھنے کو مل رہے ہیں۔خواتین کے سنگلز مقابلوں کے ابتدائی راؤنڈ میں سپین کی 27 سالہ ٹینس سٹار کرسٹینا بکسا نے برطانوی حریف کھلاڑی 2021ء کی یو ایس اوپن چیمپئن ایما راڈوکانو کو 7-5، 5-7 اور 5-7 سے ہرا کر نہ صرف ایونٹ سے باہر کر دیا بلکہ ٹورنامنٹ کا فاتحانہ انداز میں آغاز کرتے ہوئے دوسرے راؤنڈ کے لئے کوالیفائی کرلیا۔