چیئرمین پی سی بی کا دورہ پنڈی سٹیڈیم، اپ گریڈیشن کام کا جائزہ لیا

چیمپئنز ٹرافی ایونٹ کو یادگار بنائیں گے، امید ہے شائقین کو بہترین کرکٹ دیکھنے کو ملے گی

راولپنڈی: (جاگیرنیوز) چیئرمین پی سی بی محسن نقوی نے راولپنڈی کرکٹ سٹیڈیم کا دورہ کیا، اپ گریڈیشن پراجیکٹ پر پیشرفت کا جائزہ لیا۔
انکلوژرز میں کرسیوں کی تنصیب کا کام آخری مرحلے میں داخل ہوچکا ہے، محسن نقوی نے اپ گریڈیشن پراجیکٹ میں پیشرفت پر اطمینان کا اظہار کرتے ہوئے کہا کہ میگا ایونٹ کے شاندار انعقاد کے لئے تمام تیاریاں مکمل ہیں۔انہوں نے مزید کہا کہ چیمپئنز ٹرافی ایونٹ کو یادگار بنائیں گے، امید ہے شائقین کو بہترین کرکٹ دیکھنے کو ملے گی۔