افغانستان کے باؤلر شاہ پور زدران انٹرنیشنل کرکٹ سے ریٹائر

شاہ پور زدران کا شمار افغانستان کے کامیاب کرکٹرز میں ہوتا ہے،44 ون ڈے اور 36 ٹی 20 میچز میں افغانستان کی نمائندگی کی

کابل: (ویب ڈیسک) افغانستان کرکٹ ٹیم کے فاسٹ باؤلر شاہ پور زدران انٹرنیشنل کرکٹ سے ریٹائر ہوگئے۔
شاہ پور زدران نے 44 ون ڈے اور 36 ٹی 20 میچز میں افغانستان کی نمائندگی کی، فاسٹ باؤلر نے ون ڈے میں 43 اور ٹی 20 انٹرنیشنلز میں 37 وکٹیں حاصل کیں۔یاد رہے کہ 2017ء میں کابل میں افغان فاسٹ باؤلر شاہ پور زدران کی گاڑی پر مسلح افراد نے فائرنگ بھی کی تھی جس میں وہ بال بال بچ گئے تھے۔شاہ پور زدران کا شمار افغانستان کے کامیاب کرکٹرز میں ہوتا ہے، شاہ پور نے نیوزی لینڈ میں ہونے والے 2015ء ورلڈ کپ میں سکاٹ لینڈ کے خلاف میچ میں وننگ شاٹ لگا کر ٹیم کو کامیابی دلائی تھی۔