کراچی کے صنعتی علاقوں میں پانی کا شدید فقدان، فیڈرل ایریا کا پانی بند

ایک ماہ سے پانی کی فراہمی بند ہے صنعتوں کو تالے پڑگئے ہیں ٹیکسٹائل سے ملنے والے ایکسپورٹ آرڈرز کیسے پورا کریں

کراچی: (جاگیرنیوز) کراچی کےصنعتی علاقوں میں پانی کی شدید قلت پیدا ہو گئی، سائٹ انڈسٹریل کے بعدفیڈرل انڈسٹریل ایریا کا بھی پانی بند ہو گیا۔
ایف بی ایریا ٹریڈ رز ایسوسی ایشن کے مطابق فیڈرل بی ایریا انڈسٹریل زون میں صنعتوں کا پیداواری عمل بند ہو گیا جبکہ مزدور فارغ ہو گئے، فیڈرل بی ایریا میں ایک ماہ سے پانی کی فراہمی بند ہے۔ایسوسی ایشن کا کہنا ہے کہ ایک ماہ سے پانی کی فراہمی بند ہے صنعتوں کو تالے پڑگئے ہیں ٹیکسٹائل سے ملنے والے ایکسپورٹ آرڈرز کیسے پورا کریں ؟ ایم ڈی واٹر بورڈ تاحال مسائل حل کرنے میں ناکام ہے،ایف بی ایریا انڈسٹریل زون سے صنعتیں منتقل کرنےپرغور شروع کردیا ہے۔