چیمپئنز ٹرافی کا یونیورسٹی آف سنٹرل پنجاب پہنچنے پر شاندار استقبال

شیخوپورہ، فیصل آباد، ملتان، بہاولپور کے بعد اب لاہور میں چیمپئنز ٹرافی کی تقریب رونمائی کا سلسلہ شروع ہوگیا

لاہور: (جاگیر نیوز) آئی سی سی چیمپئنز ٹرافی مختلف شہروں کا ٹور کرنے کے بعد واپس لاہور پہنچ گئی، ٹرافی کا یونیورسٹی آف سنٹرل پنجاب پہنچنے پر شاندار استقبال کیا گیا۔
شیخوپورہ، فیصل آباد، ملتان، بہاولپور کے بعد اب لاہور میں چیمپئنز ٹرافی کی تقریب رونمائی کا سلسلہ شروع ہوگیا، پہلے دن یونیورسٹی آف سنٹرل پنجاب اور گورنمنٹ گرلز کالج گلبرگ میں ٹرافی کی تقریب رونمائی ہوئی جہاں طلباء کا جوش و خروش قابل دید تھا، طلباء نے ٹرافی کے ساتھ خوب سیلفیاں بھی لیں۔ٹرافی ٹور 14 فروری کو کراچی میں اختتام پذیر ہو گا، آئی سی سی چیمپئنز ٹرافی 2025ء کا افتتاحی میچ میزبان پاکستان اور نیوزی لینڈ کے درمیان 19 فروری کو ہونا ہے۔ٹرافی 8 فروری کو پاکستان اور نیوزی لینڈ کے درمیان سہ ملکی سیریز کے افتتاحی میچ کے دوران نئے اپ گریڈڈ قذافی سٹیڈیم لاہور میں بھی رکھی جائے گی۔