کشمیری عوام کے ساتھ کل بھرپوراظہاریکجہتی کریں گے: عظمیٰ بخاری

مقبوضہ کشمیر کے عوام کے حقوق کے لیے آواز بلند کرتے رہیں گے،ہمیں ہردن کشمیر کے ساتھ یوم یکجہتی کےطور پر منانا ہے

لاہور:(جاگیرنیوز) وزیراطلاعات پنجاب عظمیٰ بخاری نے کہا ہے کہ کشمیری عوام کے ساتھ کل بھرپور اظہار یکجہتی کریں گے۔
لاہور لبرٹی چوک اور گردو نواح کے دورے کے موقع پر عظمیٰ بخاری کا میڈیا سے گفتگو کرتے ہوئے کہنا تھا کہ مقبوضہ کشمیر کے عوام کے حقوق کے لیے آواز بلند کرتے رہیں گے۔انہوں نے کہا کہ سری نگر میں وزیراعظم، آرمی چیف کے حق میں پوسٹر لگائے گئے، ہمیں ہردن کشمیر کے ساتھ یوم یکجہتی کےطور پر منانا ہے۔عظمیٰ بخاری کا مزید کہنا تھا کہ حق خود ارادیت کے حصول تک کشمیریوں کی حمایت جاری رکھیں گے۔