آئی سی سی ٹی 20 رینکنگ : بابر اعظم اور رضوان کی تنزلی
پاکستان کے بابر اعظم اور محمد رضوان کی ایک ایک درجے تنزلی ہوگئی، دونوں بدستور ٹاپ ٹین میں موجود ہیں
دبئی: (ویب ڈیسک) انٹرنیشنل کرکٹ کونسل (آئی سی سی) نے ٹی 20 پلیئرز رینکنگ جاری کردی، بیٹرز میں بابر اعظم اور محمد رضوان کی تنزلی ہوگئی ، ٹریوس ہیڈ کی ٹاپ پوزیشن برقرار ہے۔
آئی سی سی کی جانب سے جاری ٹی 20 پلیئرز رینکنگ میں آسٹریلیا کے ٹریوس ہیڈ کی پہلی پوزیشن برقرار ہے، بھارت کے ابھیشک شرما 38 درجے کی لمبی چھلانگ لگا کر دوسرے نمبر پر آگئے۔پاکستان کے بابر اعظم اور محمد رضوان کی ایک ایک درجے تنزلی ہوگئی، دونوں بدستور ٹاپ ٹین میں موجود ہیں، بابر 7 ویں اور رضوان 9 ویں نمبر پر آگئے۔ٹی 20 بولرز میں ویسٹ انڈیز کے عقیل حسین دوبارہ نمبر ون بولر بن گئے، انہوں نے ایک درجے ترقی کی، انگلینڈ کے عادل رشید ایک درجے تنزلی کے بعد دوسرے نمبر پر آگئے۔ٹی 20 بولرز میں بھارت کے ورون چکرورتھی 3 درجے ترقی کے بعد تیسرے نمبر پر آگئے، بھارت کے ہی روی بشنوئی 4 درجے ترقی کے بعد چھٹے نمبر پر آگئے، پاکستان کا کوئی بولر ٹاپ 10 میں شامل نہیں۔
