چین میں ایشیائی سرمائی کھیلوں میں ٹیکنالوجی کا بھرپور استعمال
ہاربن (شِنہوا) چین کے شمالی صوبے حئی لونگ جیانگ کے صدرمقام ہاربن میں 9 ویں ایشیائی سرمائی کھیلوں کا انعقاد بہترین اور شفاف کھیلوں کا وعدہ کرتا ہے جس میں منتظمین نے کٹنگ ۔
ایج ٹیکنالوجی کا بھرپور استعمال کیا ہے۔مشعل کے جدید ڈیزائن سے لے کر کھلاڑیوں کے کپڑوں میں استعمال ہونے والے اعلیٰ معیار کے مواد کے ساتھ ساتھ منصفانہ کھیل اور اعلیٰ درجے کے حفاظتی نظام کو یقینی بنانے کے لئے ڈیزائن کردہ آلات تک ٹیکنالوجی ایونٹ کے ہر پہلو کا حصہ ہے۔آمدہ ایشیائی سرمائی کھیلوں کی مشعل ڈیزائن اور انجینئرنگ کا شاہکار ہے۔ ہاربن انجینئرنگ یونیورسٹی کی تیار کردہ یہ مشعل شفاف خصوصی مواد سے بنی ہے اور ایک کھلتے گل یا س کی شکل اختیار کرتی ہے جس میں بلدتے رنگوں کی مدد سے برف کے کرسٹل کو سفید برف کے گولے میں تبدیل ہوتے دکھایا گیا ہے۔یہ نفرت کو محبت میں بدلنے کا ایک مسحورکن منظر پیش کرکے خوبصورتی سے شہر کے جذبے کو اجاگر کرتا ہے۔کھیلوں میں شریک چینی وفد کے لئےخصوصی لباس تیار کیا گیا ہے جو اعلیٰ کارکردگی کے حامل مواد سے بنا ہے۔جدید ترین مواد شامل کرکے کھیلوں کے یہ ملبوسات اے این ٹی اے اور ڈونگ ہوا یونیورسٹی کے اشتراک سے تیار کئے گئے ہیں جو پانی سے محفوظ رکھنے اور نمی روکنے میں غیرمعمولی خصوصیات کے حامل ہیں ،یہ اس بات کو یقینی بناتا ہے کہ کھلاڑی خشک، آرام دہ اور سخت موسمی حالات سے محفوظ رہیں۔مقابلے کے مقامات میں پہلی مرتبہ ٹیلی کام آپریٹر چائنہ یونی کام کی تیار کردہ فائیو جی این آر انڈور پوزیشننگ ٹیکنالوجی کا استعمال کیا جائے گا۔ یہ جدید ترین نظام آپریشنز اور دیکھ بھال کے ذمہ دار اہلکاروں کی حقیقی وقت میں نگرانی اور ہنگامی صورتحال میں تیزی سے ردعمل کو ممکن بناکر ایونٹ کے ہموار آپریشن کی ضمانت دیتا ہے۔ایونٹ کی مجموعی سکیورٹی صلاحیتوں میں اضافے کے لئے 5 جی- اے نیٹ ورک جیسی دیگر جدید ٹیکنالوجیز بھی استعمال کی جارہی ہیں۔
