اراکین سینیٹ کی تنخواہوں میں اضافے کا بل قومی اسمبلی سے بھی منظور

بل کے تحت اراکین اسمبلی اور سینیٹ کی تنخواہوں میں اضافے کا فیصلہ فنانس کمیٹی کرے گی

اسلام آباد: (جاگیر نیوز) اراکین اسمبلی کے بعد اراکین سینیٹ کی تنخواہوں میں اضافے کی راہ ہموار ہو گئی۔
اراکین پارلیمنٹ کی تنخواہوں و الاؤنسز میں ترمیم کا بل سینیٹ کے بعد قومی اسمبلی سے بھی منظور ہو گیا، بل کے تحت اراکین اسمبلی اور سینیٹ کی تنخواہوں میں اضافے کا فیصلہ فنانس کمیٹی کرے گی۔ترمیم کے مطابق اراکین پارلیمنٹ کی تنخواہیں وفاقی سیکرٹری کے برابر ہوں گی، اراکین پارلیمنٹ کی تنخواہوں کا فیصلہ سیکرٹریٹ نہیں فنانس کمیٹی کرے گی۔