سونا ہزاروں روپے مہنگا، قیمتیں آسمان پر پہنچ گئیں

بین الاقوامی مارکیٹ میں فی اونس سونے کی قیمت 25 ڈالر اضافے کیساتھ پہلی بار 2913 ڈالر ہوگئی

کراچی: (جاگیر نیوز) عالمی مارکیٹ میں سونے کی قیمتوں میں مسلسل اضافے کے باعث پاکستان میں بھی سونے کے نرخ تاریخ کی بلند ترین سطح پر پہنچ گئے۔
بین الاقوامی مارکیٹ میں فی اونس سونے کی قیمت 25 ڈالر اضافے کیساتھ پہلی بار 2913 ڈالر ہوگئی جبکہ پاکستان میں فی تولہ سونے کی قیمت میں 2500 روپے اور دس گرام سونے کی قیمت میں 2144 روپے کا اضافہ ریکارڈ کیا گیا۔قیمتوں میں اضافے کے باعث مقامی صرافہ بازاروں میں فی تولہ سونے کی قیمت 3 لاکھ 4 ہزار روپے اور دس گرام سونے کی قیمت 2 لاکھ 60 ہزار 631 روپے کی بلند ترین سطح پر پہنچ گئی۔