ملک بھر میں شب برأت انتہائی عقیدت و احترام کے ساتھ منائی گئی
مساجد میں علماء کرام اور مقررین شب برأت کی فضلیت بیان کی، لوگوں نے اس رات اپنے پیاروں کی قبروں پر فاتحہ خوانی کی
اسلام آباد:(جاگیرنیوز)ملک بھر کی مساجد میں شب برآت کی مناسبت سے گزشتہ شب بابرکت محافل کا اہتمام کیا گیا اور رات بھر عبادات و نوافل ادا کئے گئے۔
گزشتہ رات ملک بھر کی مساجد میں علماء کرام اور مقررین شب برأت کی فضلیت بیان کی، جبکہ لوگوں نے اس رات اپنے پیاروں کی قبروں پر فاتحہ خوانی کی۔شعبان المعظم کا مہینہ برکتوں سے بھرا ہوا ہے، لیکن اس کا 15 واں رات، جو شب برات کے نام سے مشہور ہے، خاص اہمیت رکھتا ہے۔ “شب” کے معنی رات اور “برات” کے معنی چھٹکارے کے ہیں۔ یہ رات اللہ رب العزت کی رحمتوں اور مغفرت کا خاص موقع ہے۔روایات کے مطابق، اس رات اللہ تعالیٰ قبیلہ بنو کلب کی بکریوں کے بالوں کی تعداد سے زیادہ گناہ گاروں کی بخشش فرماتا ہے۔ اس رات کائنات کے تمام امور جیسے عروج و زوال، کامیابی و ناکامی، اور رزق میں وسعت و تنگی کی فہرست مرتب کی جاتی ہے، اور فرشتوں کو ان کے کاموں کی تقسیم کردی جاتی ہے۔خصوصی عبادات کا سلسلہ آج صبح فجر کی نماز تک جاری رہا، خاص طور پر بعد نماز مغرب 6 نفل ادا کیے گئے۔مسلمانوں نے اللہ کے حضور گناہوں کی توبہ، بخشش، ایمان، رزق کی کشادگی، اور عالم اسلام بالخصوص پاکستان کی سلامتی کے لیے دعائیں کیں۔شب برات کو یہ موقع فراہم کرتا ہے کہ بندے اللہ کی رحمتوں سے بھرپور فائدہ اٹھائیں اور اپنی زندگیوں میں بہتری کے لیے دعا کریں۔ یہ رات روحانی سکون اور اللہ کی رحمتوں کی طلب کا ذریعہ ہے۔
