اسلام قبول کرنیوالے پادری نے شاہی مہمان کی حیثیت سے حج ادا کیا
نومسلم سابق پادری نے اپنے پیروکاروں کو بھی اسلام کی دعوت دی،فوٹو: سعودی میڈیا
ریاض: خواب میں بشارت کے بعد حال ہی اسلام کی حقانیت کو تسلیم کرتے ہوئے مسلمان ہونے والے معروف پادری ابراہیم رچمنڈ نے سعودی عرب کے فرمانروا شاہ سلیمان بن عبدالعزیز کے مہمان کی حیثیت سے حج کی سعادت حاصل کرلی۔
سعودی میڈیا کے مطابق ایک خواب نے جنوبی افریقا سے تعلق رکھنے والے پادری کے سامنے حق و باطل کو واضح کرکے رکھ دیا، اس خواب کے بعد نہ صرف وہ خود دائرہ اسلام میں داخل ہوئے بلکہ اپنے سیکڑوں پیروکاروں کو بھی کلمہ پڑھوایا۔
عیسائیت چھوڑ کر اسلام قبول کرنے والے سابق پادری ابراہیم رچمنڈ نے بتایا کہ انھیں اسلام کی دعوت خواب میں دی گئی تھی اور وہ خواب میں مسجد الحرام میں ہونے والی اذانوں کو سنا کرتے تھے۔
ما الرؤيا التي جعلت القسيس إبراهيم يسلم ويتبعه الآلاف؟ #بسلام_آمنين pic.twitter.com/c3zqZaGpyn
— التواصل الحكومي (@CGCSaudi) June 25, 2023
ابراہیم رچمنڈ کو سعودی شاہی خاندان کے خصوصی حج پروگرام کے تحت اس عظیم فریضے کی ادائیگی کی دعوت دی گئی تھی جو انھوں نے قبول کرلی۔
حج کی سعادت حاصل کرنے کے لیے دنیا کی مقدس ترین زمین پر قدم رکھتے ہی ابراہیم رچمنڈ کی آنکھیں بھر آئیں، ان کا چہرہ خوشی سے شادماں تھا، جو خواب انھوں نے دیکھا تھا اس کی تعبیر ہونے جا رہی تھی۔
Former Pastor Ebrahim Richmond who was invited as part of the King Salman Hajj Programme is undertaking his first Hajj #Hajj1444 pic.twitter.com/qfPldcECOc
— 𝗛𝗮𝗿𝗮𝗺𝗮𝗶𝗻 (@HaramainInfo) June 26, 2023
ابراہیم رچمنڈ نے تمام مناسک حج اس خشوع و خضوع کے ساتھ ادا کیے کہ گماں تک نہ ہوتا تھا کہ یہ نو مسلم ہیں اور محض 3 ماہ قبل ہی دائرہ اسلام میں دخل ہوئے ہیں۔
