روس میں جہاز گر کر تباہ، باغی گروپ کے سربراہ پریگوزن سمیت 10 افراد ہلاک
حادثے کے پیچھے روسی صدر پیوٹن کا ہاتھ ہے اور اس میں ہمیں کوئی شک نہیں،مریکی فوج کے سابق ایڈوائزر -فوٹو :انٹرنیٹ
ویب ڈیسک
روس کی حکومت نے حادثے کی تصدیق کرتے ہوئے بتایا کہ جہاز میں ویگنر گروپ کے سربراہ بھی سوار تھے جو حادثے میں ہلاک ہوگئے.ویگنر گروپ کے ترجمان کی جانب سے جاری ابتدائی بیان میں دعویٰ کیا گیا ہے کہ طیارے کو زمین سے نشانہ بنایا گیا ہے۔
ماسکو: روس کے دارالحکومت کے شمال مغربی علاقے میں باغی گروپ ویگنز کا نجی جہاز گر کر تباہ ہوگیا، جس کے نتیجے میں سربراہ یوگینی پریگوژن سمیت تمام 10 مسافر ہلاک ہوگئے۔
بین الاقوامی میڈیا رپورٹ کے مطابق روس کے شمال مغربی علاقے میں بزنس طیارہ نامعلوم وجوہات کی بنا پر گر کر تباہ ہوا جس میں سوار تمام دس افراد مارے گئے۔ یہ جہاز ماسکو سے سینٹ پیٹرزبرگ جارہا تھا جس میں 7 مسافر اور عملے کے تین افراد سوار تھے۔
روس کی حکومت نے حادثے کی تصدیق کرتے ہوئے بتایا کہ جہاز میں ویگنر گروپ کے سربراہ بھی سوار تھے جو حادثے میں ہلاک ہوگئے جبکہ کوئی بھی مسافر بچ نہیں سکا۔روسی میڈیا کے مطابق جائے وقوعہ سے 8 لاشیں برآمد کرلی گئیں ہیں۔
BREAKING: Russian government confirms at least 10 dead after Wagner Group plane crashes northwest of Moscow pic.twitter.com/jHgOFOKG6s
— BNO News (@BNONews) August 23, 2023
ویگنر گروپ کے ترجمان کی جانب سے جاری ابتدائی بیان میں دعویٰ کیا گیا ہے کہ طیارے کو زمین سے نشانہ بنایا گیا ہے۔
امریکی فوج کے سابق ایڈوائزر نے الزام عائد کیا ہے کہ حادثے کے پیچھے روسی صدر پیوٹن کا ہاتھ ہے اور اس میں ہمیں کوئی شک نہیں، اب روس کو اس حادثے کی قیمت ادا کرنا ہوگی۔
BREAKING: Business jet carrying 7 people crashes in Russia's Tver region, northwest of Moscow pic.twitter.com/hsC4YycaGj
— BNO News (@BNONews) August 23, 2023
واضح رہے کہ یوگینی پریگوزن نے رواں سال جون میں یوکرین جنگ پر روسی صدر کے خلاف بغاوت کا اعلان کیا جس کے بعد اُن کے ہزاروں اہلکاروں نے ماسکو کی جانب پیش قدمی شروع کردی تھی۔
بعد ازاں بیلا روس کے صدر کی مداخلت پر دونوں فریقین نے جنگ بندی پر رضا مندی ظاہر کی اور پھر باغی گروپ دوبارہ سے اپنے ٹھکانوں کی طرف چلا گیا تھا۔
