آئی سی سی نے چیمپئنز ٹرافی 2025ء کا نیا پرومو جاری کردیا

آئی سی سی کا نیا پرومو چیمپئنز ٹرافی کی پروموشن کا حصہ ہے

دبئی: (جاگیرنیوز)انٹرنیشنل کرکٹ کونسل ( آئی سی سی ) نے چیمپئنز ٹرافی 2025ء کا پرومو جاری کردیا۔
آئی سی سی کی جانب سے جاری کردہ پرومو میں قومی ٹیم کے فاسٹ باؤلر شاہین آفریدی اور سپنر شاداب خان جبکہ بھارت کے ہاردک پانڈیا اور افغانستان کے محمد نبی شامل ہیں۔ویڈیو میں کھلاڑی آئی سی سی چیمپئنز ٹرافی کے دوران سخت مقابلے کی بات کرتے ہوئے، چیمپئنز ٹرافی تک پہنچنے کی کوشش کرتے ہوئے نظر آتے ہیں، آئی سی سی کا نیا پرومو چیمپئنز ٹرافی کی پروموشن کا حصہ ہے۔خیال رہے کہ آئی سی سی چیمپئنز ٹرافی 19 فروری سے 9 مارچ تک کھیلی جائے گی جس کی میزبانی پاکستان کرے گا جبکہ بھارتی ٹیم اپنے میچز میں متحدہ عرب امارات میں کھیلے گی۔