بابر اعظم پر ہراساں کا الزام لگانے والی خاتون کو عدالت نے طلب کرلیا
سیشن جج نے حقائق کے برعکس فیصلہ دیا، خاتون نے بےبنیاد الزامات لگا کر شہرت کو نقصان پہنچانے کی کوشش کی
لاہور: (ویب ڈیسک) لاہور ہائیکورٹ نے قومی کرکٹ ٹیم کے سابق کپتان بابر آعظم کی اخراج مقدمہ کی درخواست پر ہراساں کرنے کا الزام لگانے والی خاتون کو ذاتی حیثیت میں طلب کرلیا۔
عدالت عالیہ میں جسٹس اسجد جاوید گھرال نے بابر آعظم کی درخواست پر سماعت کی، عدالت نے بابر آعظم کی درخواست پر 2021ء سے حکم امتناعی جاری کر رکھا ہے، خاتون نے بابر آعظم پر ہراساں کرنے کے الزامات لگاتے ہوئے مقامی عدالت سے رجوع کیا تھا جس پر ایڈیشنل سیشن جج نے بابر آعظم کے خلاف مقدمہ درج کرنے کا حکم دیا تھا۔اس حکم کو بابر آعظم نے لاہور ہائی کورٹ میں چیلنج کر رکھا ہے، بابر آعظم کے وکیل کے مطابق ایڈیشنل سیشن جج نے حقائق کے برعکس فیصلہ دیا، خاتون نے بےبنیاد الزامات لگا کر شہرت کو نقصان پہنچانے کی کوشش کی۔درخواست گزار کی جانب سے استدعا کی گئی تھی کہ ایڈیشنل سیشن جج کا مقدمہ درج کرنے کا فیصلہ کالعدم قرار دیا جائے۔
