ارباب نیاز سٹیڈیم کی تعمیر نو، لاگت میں مزید ایک ارب کا اضافہ

2024 میں منصوبے کی لاگت تیسری دفعہ بڑھا کر 2 ارب 31 کروڑ کر دی گئی

پشاور: (جاگیرنیوز) پشاور کے ارباب نیاز کرکٹ سٹیڈیم کے تعمیر نو منصوبے میں تاخیر سے لاگت میں مزید ایک ارب روپے کا اضافہ ہو گیا۔
محکمہ کھیل کی جانب سے وزیر اعلیٰ خیبرپختونخوا کو بھیجی گئی سمری میں انکشاف کیا گیا ہے کہ 7 سال گزرنے کے بعد بھی سٹیڈیم کی تعمیر نو مکمل نہیں ہوئی۔دستاویزات کے مطابق ارباب نیاز کرکٹ سٹیڈیم کے تعمیر نو کا کام 2018 میں شروع ہوا تھا اس وقت ارباب نیاز کرکٹ سٹیڈیم کی تعمیر نو کا تخمینہ ایک ارب 37 کروڑ لگایا گیا تھا۔2021 میں منصوبے کی لاگت بڑھ کر ایک ارب 94 کروڑ تک پہنچ گئی، 2024 میں منصوبے کی لاگت تیسری دفعہ بڑھا کر 2 ارب 31 کروڑ کر دی گئی۔