بنوں میں کالعدم تنظیم نے گرلز سکول جلادیا، دوبارہ کھولنے پر بھیانک نتائج کی دھمکی

معاملے کی تحقیقات کی جارہی ہین جس کے بعد بیان جاری کیا جائے گا،ڈی پی او بنوں-فوٹو : فائل

میریان :بنوں کی تحصیل میریان میں شرپسندوں نے گورنمنٹ گرلز ہائر سیکنڈری سکول ممباتی بارکزائی کوٹکہ کو رات کی تاریکی میں جلا دیا۔
سکول کے سائنس روم میں پڑا لیب کا سارا سامان راکھ کے ڈھیر میں تبدیل ہوگیا، شرپسند عناصر سکول سے شمسی پلانٹ سمیت دیگر سامان بھی ساتھ لے گئے۔دہشت گردوں کی جانب سے سکول کے مرکزی گیٹ پر کالعدم تنظیم کی جانب سے دھمکی آمیز وال چاکنگ بھی کی گئی ہے۔ شرپسندوں نے سکول کو کھولنے کی صورت میں اس سے بھی بھیانک نتائج کی دھمکی دے دی۔
پولیس نے سکول سے فنگر پرنٹ بھی حاصل کیے۔ ڈی پی او بنوں افتخار کے مطابق معاملے کی تحقیقات کی جارہی ہین جس کے بعد بیان جاری کیا جائے گا۔