اسرائیل کی غزہ میں سکولوں اور پناہ گاہوں پر بمباری، مزید 55 فلسطینی شہید

غزہ کو ملبے کے ڈھیر میں تبدیل کرنے والی صیہونی فوج نے بچ جانے والے گھروں پر بھی بمباری کی

غزہ: (جاگیر نیوز) اسرائیلی صیہونی فورسز کی غزہ میں بربریت کا سلسلہ نہ رک سکا۔
غیر ملکی میڈیا رپورٹس کے مطابق اسرائیلی فضائیہ کی غزہ میں سکولوں اور پناہ گاہوں پر بمباری سے مزید55 فلسطینی شہید جبکہ متعدد زخمی ہوگئے، جنگ میں شہید فلسطینیوں کی تعداد44 ہزار930 ہوگئی۔غزہ کو ملبے کے ڈھیر میں تبدیل کرنے والی صیہونی فوج نے بچ جانے والے گھروں پر بھی بمباری کی جس سے جبالیہ میں ایک ہی خاندان کے 4 افراد شہید ہو گئے، غزہ کے شمال مشرق میں سکول پر بمباری سے سات بچے شہید اور متعدد زخمی ہوگئے۔اسرائیل فوج نے شمالی غزہ میں کمال عدوان ہسپتال کو بھی نشانہ بنایا جس سے طبی عملہ زخمی اور ایمبولینس تباہ ہو گئی، اسرائیلی فوج نےحملے کےدوران کئی ایمبولینسز کو آگ بھی لگا دی۔