ملک میں مہنگائی میں اضافے کی شرح میں کمی

اکتوبر2023ء کے دوران ماہانہ بنیادوں پر مہنگائی میں اضافے کی شرح1.1 فیصد رہی

اسلام آباد: حکومتی اقدامات کے باعث ملک میں مہنگائی میں اضافے کی شرح میں کمی شروع ہوگئی۔
ملک میں گزشتہ ایک ماہ (اکتوبر2023ء) کے دوران ماہانہ بنیادوں پر مہنگائی میں اضافے کی شرح1.1 فیصد رہی ہے جبکہ رواں مالی سال کے پہلے چار ماہ(جولائی تا اکتوبر 2023ء)کے دوران 28.48 فیصد رہی ہے۔
ماہ (اکتوبر2023ء) سالانہ بنیادوں پر مہنگائی میں اضافے کی شرح 26.9 فیصد رہی ہے اورستمبر 2023ء میں 31.4 فیصد تھی جبکہ اکتوبر 2022ء میں یہ شرح 26.6 فیصد تھی۔وفاقی ادارہ شماریات نے مہنگائی کی ماہانہ رپورٹ جاری کردی جس کے مطابق اکتوبر 2023ء میں ماہانہ بنیادوں پر مہنگائی میں اضافے کی شرح1.1 فیصد رہی ہے اورستمبر 2023ء میں 2 فیصد تھی جبکہ اکتوبر 2022ء میں 4.7فیصد تھی۔وفاقی ادارہ شماریات کے مطابق سالانہ بنیاد پرمہنگائی کی شرح 26.9 فیصد رہی جولائی سے اکتوبر مہنگائی کی اوسط شرح 28.48 فیصد رہی، شہری علاقوں میں مہنگائی 25.5 فیصد، دیہات میں 28.9 فیصد رہی۔گزشتہ ماہ پیاز، سبزیاں، پھل، انڈے، آلو، مچھلی اور مصالحے مہنگے ہوئے، بجلی 8.29 فیصد، شادی ہال 5.43 ، رہائش 4.50 فیصد مہنگی ہوئی۔وفاقی ادارہ شماریات کے مطابق ادویات 3.72 فیصد، تعلیم 3.23 ، ڈاکٹر کی فیس 3 فیصد مہنگی ہوئی۔ اس دوران چینی، دال چنا، ٹماٹر، دال مونگ، گڑ، گندم کا آٹا، دودھ سستا ہوا ہے۔