روپے کی بے قدری جاری، امریکی ڈالر کی قیمت میں مزید اضافہ

کراچی: ملک میں روپے کے مقابلے میں امریکی ڈالر کی قدر میں مزید اضافہ ہوگیا۔
تفصیلات کے مطابق کاروباری ہفتے کے پانچویں روز انٹربینک میں ڈالر کے ریٹ میں 60 پیسے اضافہ ہوا جس کے بعد امریکی کرنسی 229 روپے 75 پیسے پر ٹریڈ کر رہی ہے۔
واضح رہے کہ سال 2023ء میں اب تک ڈالر 3 روپے 32 پیسے مہنگا ہوا، ڈالر کی قیمت بڑھنے سے قرضوں کے بوجھ میں 430 ارب روپے اضافہ ریکارڈ کیا گیا ہے۔