نیب کیسز میں نااہلی کی 10 سالہ مدت بحال کرنے کی درخواست سماعت کیلئے منظور
جون میں سنگل بینچ نے نیب نااہلی کی مدت دس کی بجائے پانچ سال کردی تھی،-فوٹو: فائل
نیب سے سزا پانے والے انتخابی امیدوار الیکشن لڑنے کے لیے ہائیکورٹ کے سنگل بینچ کے فیصلے کا حوالہ دے رہے ہیں،نیب کی عدالت سے سنگل بنچ کا فیصلہ فوری معطل کرنے کی استدعا
اسلام آباد: نیب نے الیکشن لڑنے کے لیے نیب سے سزا یافتہ نااہلی کی مدت 10 سال سے 5 سال کرنے کے سنگل بینچ کے فیصلے کے خلاف اسلام آباد ہائی کورٹ میں اپیل دائر کردی جسے سماعت کے لیے منظور کرلیا گیا۔ نیب کی سنگل بنچ کے فیصلے کے خلاف انٹرا کورٹ اپیل کل سماعت کے لیے مقرر کی گئی ہے، جسٹس محسن اختر کیانی اور جسٹس ثمن رفعت امتیاز اپیل پر سماعت کریں گے۔نیب نے عدالت سے سنگل بنچ کا فیصلہ فوری معطل کرنے کی استدعا کی ہے اور کہا ہے کہ نیب سے سزا پانے والے انتخابی امیدوار الیکشن لڑنے کے لیے ہائیکورٹ کے سنگل بینچ کے فیصلے کا حوالہ دے رہے ہیں، جون میں سنگل بینچ نے نیب نااہلی کی مدت دس کی بجائے پانچ سال کردی تھی، عدالت انٹرا کورٹ اپیل میں سنگل بنچ کا فیصلہ فوری معطل کرے۔
